網頁

2013年11月20日 星期三

後會有期@曼谷

2013年10月20日


話咁快就到咗第5日最後行程喇!
開心時刻真係特別過得快
有D地方因天雨關係去唔到
有D地方因時間關係去唔到, 玩唔夠, 買唔夠, 睇唔夠, 食唔夠!!!
回到香港要努力工作儲夠錢再去過!
5日行程包食包住包行包買包玩包埋小費都唔使$6000
梗係要多謝領隊悉心安排啦!!


Hea遊曼谷@Terminal 21

2013年10月20日


Terminal 21在每個樓層都有不同的國家旅遊主題, 可是我們沒有足夠時間去逛逛, 最重要的任務是去搵食啦! 掛住食, 連相都影得很少呀! 真的是比機會自己再嚟過呀! 哈哈哈


Hea遊曼谷@最後一個早上

2013年10月20日

終於到咗最後一日喇!
因為我地係搭晚機返香港
而咁多日領隊都冇得游水
所以佢話食完豐富早餐要係酒店自由活動喎!
佢梗係第一時間換泳衣大顯身手
我地兩個又去上網囉!
同咗酒店講,我地要1點先Check out,好彩又比喎!


Hea遊曼谷@Central World

2013年10月19日


去曼谷
Central World又係必到的地方

Hea遊曼谷@ Chatuchak (翟道翟) JJ Market

2013年10月19日

嚟到曼谷必去最大著名的週末跳蚤市場 Chatuchak (翟道翟) JJ Market, 只在星期六及日開放, 市場內有過萬個小檔口, 一間接一間由鐵棚搭成, 貨品種類多到數不完, 包括服裝、首飾、皮具、家居用品、工藝品、小飾物及食肆等等, 價錢又平, 真低買!

我地由酒店附近BTS 的 Phrom Phong 坐到Mo Chi 大概30分鐘左右, 不用轉線, Mo Chi 1號出口, 只要跟著人群走就一定不會有錯啦! 差不多9成人都是朝著同一方向架!!


 食過豐富早餐準備出發喇!

2013年11月14日 星期四

生日飯局@Cafe Jr. Italian Tomato

2013年11月14日

今日到大秘書瑛瑛請食飯
佢話未去過公司對面Cafe Jr. Italian Tomato
咁咪就去呢間囉
唔使再諗食乜啦! ^_^


2013年11月12日 星期二

生日飯局@有口福香辣雞煲烤魚專門店

2013年11月12日

多謝領隊, 婷婷 & ICE姐為我 & 蛋撻慶祝生日!  ^_^

明明話係食辣雞煲
點解比蛋撻走辣呀???
變咗食甜雞煲囉 ^_^

呢個雞煲入邊仲加咗雞腎, 豬腸 & 豬肚, 好豐富呀!!


生日飯局@曼谷泰菜

2013年11月12日

今日舊同事劉太話要過嚟請食生日飯呀
仲要我記得叫埋珞媽 & Ken Gor 兩位
開開心心又一餐, 好飽呀!!!
劉太給我的清一色朱古力點會捨得食呀!


Happy Birthday to 蛋撻@洛神花蜜啫喱紅莓芝士凍餅

2013年11月12日

密密整
再嚟生日蛋糕 ^_^


2013年11月10日 星期日

Happy Birthday to 芳芳@蕃薯芝士蛋糕

2013年11月10日

芳芳係11月16日生日的
有時間即刻整埋先啦
佢話想食個特別的味道
就整個焗蕃薯芝士蛋糕佢歎啦!


Happy Birthday to Coey@洛神花蜜啫喱芒果芝

2013年11月10日

Coey正日生日係11月7日
但11月實在太忙
今日才有時間整呀!
要你過咗生日先收到生日蛋糕真係唔好意思呀!


2013年11月9日 星期六

Hea遊曼谷@建興酒家 Somboon Seafood

2013年10月18日


創立於1969年的「建興酒家 Somboon Seafood」,是泰國曼谷非常有名的海鮮餐廳,除了相當受到當地人的歡迎外,這裡也是觀光客必來朝聖的餐廳之一,各式螃蟹、蝦料理更是不能錯過的招牌餐點。
由安帕瓦水上市場回到曼谷市中心,足足花了3小時,感受到塞車之苦。
在這裡我們學識了咖哩炒螃蟹與咖哩炒肉蟹的分別,醃酸生蝦與涼拌生蝦的分別,領隊你有機會再去記得不要叫錯呀! 上天對我們真的不錯,食食吓突然行雷閃電下大雨,食飽後停雨了給我們到BTS搭車回酒店呀! 可是難逃一刧,到了酒店的BTS站繼續落雨,幸好我們有帶雨具呀! ^_^


Hea遊曼谷@安帕瓦水上市場 Amphawa Floating Market

2013年10月18日


安帕瓦水上市場,河岸的兩旁有許多的攤販販賣各種不同的海鮮、水果或涼拌青菜,價錢也都非常便宜。 另外一個相當特別的就是許多在船上販售食物的水上人家,不論是海鮮、麵線、熱炒或是水果都有人販賣,買了後就坐在河岸旁的小桌子直接吃,但我們擔心腸胃承受不了,所以沒有嘗試呀。


Hea遊曼谷@美功鐵道市場 Maeklong Railway Station

2013年10月18日


鐵道市場是近幾年興起的旅遊景點,主要賣點就是看鐵道兩旁上的小販,在火車經過時,迅速收起放在鐵道上販賣商品的景觀,過程雖然驚險,但至今還無人傷亡過,而我們就是要去體驗火車與我們擦身而過的快感。
食過豐富早餐, 約好琴日的士哥哥11點在酒店接我們 (1500匹包車一日), 約兩小時的車程便到yq達目的地了! 不過我們中午才到,已錯過火車11時的班次,再下班火車要到下午二點才來,於是先周圍行行消磨時間再去填飽肚子,等火車鳴笛響起,攤販和店家開始迅速的拆掉支撐的鐵架和遮雨棚,火車便開始經過攤販及圍觀的遊人! 刺激呀!!


Hea遊曼谷@Hajime Robot Restaurant 春 - 機械人餐廳

2013年10月17日


行下行下又過兩粒鐘, 又係時候去搵食! HEHE! 係Big C 門口搵咗架的士, 領隊問咗300匹, 預咗比人呃, 300就300啦! 反正都冇其他交通工具去到啦! 呢間餐廳特別在有機械人做傳菜, 用電腦點菜後, 按下"send to Robot", 跟住機械人就會傳菜到你面前, 機械人得閒果陣仲會跳舞比你睇架! 呢度有火鍋 (399匹) or BBQ (499匹) Buffet, 限時兩小時, 我就揀咗BBQ, 佢地話唔識燒, 要我燒埋比佢地食囉! =.=" 火鍋果邊又係聽到好多人講廣東話, 原來係永安團呀!


Hea遊曼谷@水門海南雞飯

2013年10月17日


停咗雨, 拿拿林去搵食喇! 領隊話去水門食海南雞飯, 一定要食粉紅衫果間喎! 點知去到人家已全部售罄收檔喇! 為有轉食綠衫啦! 好多香港人都好似我地咁, 去到粉紅衫冇得食就過去綠衫食! 海南雞唔覺特別好食, 又唔係唔好食囉! 食飽順便去Big C 行個圈, 都冇以前咁平, 一D都唔抵買囉!


Hea 遊曼谷@酒店設施

2013年10月17日


今朝起身打開窗簾,OH NO落大雨呀!先去食個豐富早餐,真的要聽天由命呀!為有係酒店Hea 住先,上吓網,玩吓GYM,四圍行吓!Hea到點零鐘,終於停雨喇!


2013年11月8日 星期五

Blog聚&慶生@三小姐

2013年11月8日

多謝今次Blog聚及為我慶生, 超豐富的海鮮餐, 有路人R自家製生日蛋糕, 又有Tiger & 阿威哥旅行手信, 更加要多謝出席聚會的Blog友們, 大E, Tiger, Happy, 細E, Tiger仔, 路人R & 阿威哥 ^_^


2013年11月7日 星期四

Hea 遊曼谷@Ban Khun Mae Thai Cuisine

2013年10月16日


去到泰國無理由唔食番餐正宗泰國菜喎!領隊打開旅遊書,搵咗間近BTS的泰國餐館Ban Khun Mae Thai Cuisine,就在Siam Square 中心,交通方便,地方大而且舒服,上菜很快, 又有樂師伴奏,食品方面不過不失啦!


2013年11月6日 星期三

Hea 遊曼谷@Asiatique The Riverfront

2013年10月16日


食飽飽就繼續行程喇!今次行程主要交通工具係BTS,如果沒有一日票或八達通之類車票,每次買單程車票都要準備大量硬幣 ( $10, $5, $1) 購票,預著果個車站有GroupTicket機就好彩D,可以用紙幣囉!

Blog 友鬼嫁提供以下資料:Asiatique 這個新夜市是由舊貨倉改建而成,很有點風味,裝璜比以前的 Suan- Lum 夜市好,整齊清潔,但規模卻細很多,不在BTS或MRT線上,但有免費渡輪由 BTS Saphan Taksin 到市夜,由下午4時到深夜11時半,約10 ﹣15分鐘一班,約10分鐘便到,也算方便,走時可坐的士,約150baht 回到市中心,不算貴,但難在找時士很花時間,而且會有很多司機開天殺價,要耐心講價。當地人很多,因為食店非常多,他們都是開車來,吃個飯便走,購物的好像都是遊客。

2013生日飯局@金源小館

2013年11月6日

踏入11月就係生日飯局的開始喇!
今日呢幾位係我入職就認識的好同事請食飯
多謝珞媽, 叻叻 & 馨馨 ^_^

呢間小館最出名就係山東燒雞
加上香噴噴的蒜泥汁
在底的素雞更好味!

係呢度重要一定食甜味
最出名的是各種味道的木糠布甸及海底椰南瓜露
我就鍾意海底椰南瓜露多D
有時仲會加芝麻湯圓呀! ^_^


2013年11月5日 星期二

Hea遊曼谷@榮泰魚蛋粉

2013年10月16日


搞掂行李, 第一時間梗係去揾食啦! 在酒店附近就有一間地道魚蛋粉麵舖, 有兩個相連鋪位, 十分簡陋, 尚算清潔, 位子不算迫, 當然冇冷氣啦! 唔知係咪我地太晏, 所以只有兩3丁人幫襯! 我地唔識講泰文, 為有手指指, 點知事頭婆出現, 同我地講廣東話, 仲介紹我地食什錦金邊粉, 有肉片, 肉碎, 豬腰, 魚蛋, 魚片, 魚蛋非常彈牙, 有鮮味, 有魚味, 最估唔到係肉碎個汁好好味呀! 加埋杯龍眼冰更加爽呀!

最搞笑係, 食飽飽走人係門口影張相先知係鬼嫁介紹果榮泰!!! 哈哈哈



2013年11月4日 星期一

生日飯局@大滿喜日本料理

2013年11月4日

今晚約咗好友 陳太, 朱朱 & 芳芳食生日飯, 吹下水, 又過咗開心的一晚呀! ^_^
果隻大食朱, 出年嫁人仲係咁大食, 樣樣都話要食, 叫叫埋埋食唔晒好浪費呀!!!



拌手信@全麥朱古力粒粒杏仁曲奇餅

2013年11月3日

聽晚約咗陳太, 朱朱 & 芳芳食生日飯, 我都知欠咗你地好耐喇!
今次終於可以交到功課喇! 唔好食都要食晒佢呀! ^_^


2013年11月3日 星期日

開心時刻Pizza Hut

2013年11月3日

我班姨甥好鍾意食Pizza, 今日又帶佢地去Tea一Tea
校到最後時間去食, 可以慳埋個晚餐 :D


2013年11月2日 星期六

是日3點3@檸檬瑪德琳蛋糕

2013年11月2日

整得7件黑糖金提合桃小蛋糕又話最好整埋聽日早餐喎!
乜得佢咁貪心架!?
見師父Ivy整得瑪德琳咁鬼靚, 我又要試下整, 好滿意呀! Yummy!!


是日3點3@黑糖金提合桃小蛋糕

2013年11月2日

食完早餐, 例去行陣街, Shop吓ping!
細細妹見到合桃就話3點3要食糖金提合桃小蛋糕喎!
早餐都未落格, 咁快就諗定3點3, 想唔肥都唔得啦! :D


是日早點@君戶鍋貼大王

2013年11月2日

今日又約咗細細妹食早餐
呢間都好耐冇去食過喇!
之前叫"君滬"
現在改了名"君戶"
唔知有乜分別呢?
服務態度一樣咁差
如果唔係好味又抵食
真係唔會有第二次囉!



2013年11月1日 星期五

又呃一餐@沙霸越南餐廳

2013年11月1日

係咁易講句, 成個月冇同我食飯喎, 你又爭住找數呀!
多謝!! ♥ ♥ ♥ 丹丹, 芳芳 & KenKen
第一次試呢間新店, 都算OK
不過都係大叻好食D, 價錢比起大叻又貴D, 但就坐得舒服D囉!



滴滴咖啡