網頁

2009年7月28日 星期二

自作主張 @ 朱古力木糠布甸蛋糕

2009年7月6日星期一


我是白骨精39


食LUNCH果陣應承同事今晚整木糠布甸蛋糕過佢地食, 點知文迪又話星期二要放假, 咁即係文迪無口福啦! 諗住放工就去買主要材料雲呢拿條就可以開工啦, 點知塞車, 返到去人家都已經收舖, 買唔到材料即係無得整啦, 唔通文迪落咗咒?


星期二又係諗住放工去買材料啦, 點知放工果陣比老細捉住, 又遲咗, 又買唔到雲呢拿條, 激鬼死我喇! 又唔想同事失望喎, 諗諗吓, 唔做雲呢拿味可以做第二種味呀, 但係我又無資料, 唔知D份量係點樣喎? 為有學肥媽自己試味囉! 就係咁樣比我做咗呢個朱古力木糠布甸蛋糕喇! 又估唔到可以咁成功喎!


星期三攞返去比同事食, 同事們個個食到LAM LAM脷, 淨係得文迪無得食, 因為文迪腰骨痛SICK鬼咗, 又無返工囉, 文迪你真係無口福囉!



呢支就係做朱古力木糠布甸蛋糕嘅靈魂喇!



2009年7月26日 星期日

挑戰難度 @ 紅豆慕思綠茶蛋糕

2009年7月1日星期三


我是白骨精26

差d唔記得今日係公眾期假(香港特別行政區成立紀念日), 晨早8點鐘就醒鬼咗, 無無聊聊發現仲有台灣買番嚟果d綠茶粉係度, 心癢癢又想整蛋糕喇! 食完早餐就去"價真棧"買罐日式紅豆就可以開工整紅豆慕思綠茶蛋糕喇!


我從未成功過整雞蛋糕, 今次失敗原因都係衰係呢一PART, 我已經跟足程序做啦, 但唔明點解個蛋糕係都發唔起! WHY? WHY? WHY? TELL ME WHY?



人家圖片的明明是又鬆又軟的綠色蛋糕, 而我整的是像年糕的質感?
還好的是, 成功把紅豆慕思製造出來呀!



2009年7月22日 星期三

母親節與父親節有什麼分別? & 6月份生日會

母親節與父親節有什麼分別?


 


2009年5月2日星期六



5月10日要去一日遊, 所以提早慶祝母親節


母親一向給人印象都是偉大的!


所以我地要食海鮮餐!




2009年6月20日星期六



父親節近年才受重視, 所以就超市貨式!


給我煎燶了的蝦餅



四個戇居居的父親



图片480


三個6月份生日的傻瓜!



$168任食放題 @ 吉壽日本料理

2009年6月17日星期三


 



 


某日下午Mingle路過中環, 發現The Loop樓下大排長龍, 好奇心之下問人家乜事, 點解咁多人排隊?


Mingle: 小姐, 你喺呢度排隊做乜呀?


靚姐: 食晏囉!


Mingle: 乜咁誇張呀, 要排咁長龍呀?


靚姐: 抵食嘛!


Mingle: 邊間舖呀?


靚姐: 7樓吉壽!


Mingle: 唔該晒! 



本來Mingle係想同佢愛人去試, 點知佢愛人又嫌中環太遠, 就提議佢搵我去試喇! 不過我又唔介意, 最緊要係有好野介紹就無問題啦! 咁啱又係報紙睇到呢間廣告, 每日都有唔同優惠, 星期一、四Mingle唔得, 星期二我唔得, 星期五又驚人多, 星芾最後得番星期三!


星期一CASH日


星期二環保日


星期三抽獎日


星期四女士日


星期五海膽日


星期六PARTY日


星期日敬老日


 


星期三係抽獎日, 即係有機會無優惠啦, 上網搵吓有無其他優惠先得, 咁好彩比我搵到《e食無憂》有88折COUPON喎!(HK$168 X 0.88+HK$16.8=HK$165), 慳得一蚊得一蚊嘛!



 



當日晚市放題分兩個時段, 6:00PM-8:30PM (HK$168) OR 8:45PM-11:00PM (HK$148), 我地就揀咗(HK$168)時段! 


 



坐低就見到一大疊點菜紙, 應該都有唔少野食喎!


A:剌身(12款)、B:壽司(16款)、C:手卷(8款)


D:卷物(6款)、E:沙律(7款)、F:和食(14款)


G:主食(12款)、H:炸物(14款)、I:燒物(14款)


仲有罐裝汽水任飲(不過我地兩個都唔係好鍾意飲汽水)



我地叫咗5 ROUND刺身


ROUND 1: 三文魚解雪得麻麻, 希靈魚OK, 貝柱一般, 螺片太細小(好懷念在小樽八角屋果隻海螺呀), 甜蝦為本之食(要20件, 嚟得10件)


ROUND 2: 三文魚厚過第一ROUND, 唔係幾鍾意, 章紅魚&劍魚腩一般, 螺片太細小, 所以再要, 甜蝦為本之食(都係要20件, 嚟得10件)


ROUND 3, 4, 5: 甜蝦&螺片(Mingle食極都好似唔夠喉)



本來打算食20隻為本, 但係15隻已經頂唔順喇!



壽司細細粒又新鮮, 確唔錯, 但軟殼蟹手卷果舊軟殼蟹就唔係好掂,
最搞笑係有款壽司叫"車子Mantis Shrimp", 螳螂蝦? 我地都唔知係乜,
英文又唔係好, 淨係知Shrimp係蝦, 一於叫舊嚟試吓, 原來係瀨尿蝦嚟呀!



蟹子沙律(沙律醬唔夠味)、枝豆(好鬼多, 食咗一半頂唔順)、
吉壽沙律(好正好好味)、番茄沙律(雖然係推介, 但吃不出有什麼特別)



串燒牛舌(越來越細片)、鹽燒海蝦(好鬼爽口)、
燒栗米(又幾甜喎)、鐵板雪花牛柳粒(韌韌地)



串燒牛舌最好味, 我地叫咗三大串!



虎蝦、沙追魚、南瓜、蕃薯、茄子(天婦羅GOOD, GOOD, GOOD)、
香粉炸雞軟骨就唔係好得, 好鬼死硬呀!
虎蝦、沙追魚梗係要ENCORE!



北海道牛乳海鮮鍋(味道怪怪地)、麵豉湯(太咸)



食到七點半左右, 有個侍應派咗張No. 14紙仔我地, 係用嚟一陣抽獎用喎!
14號! 正呀! 係我地LUCKY NUMBER喎!
真係好LUCKY呀, 全場只有6份獎品, 我地被抽中呀!
獎品包括: 下次於8:45時段買3送1優惠及價值HK$280日本清酒一支
仲可以帶走又唔使現場飲(Mingle一個人都飲唔晒啦), 真開心呀!


我地見人地抽到大板海膽、小板海膽, 都唔知點算好, 因為都食飽飽啦!




 


P.S. 好彩我地準時到呀, 走果陣見到兩位靚女坐正門口位幾鬼慘呀!


 



 


吉壽日本料理
Kichi Jyu Japanese Restaurant
中環威靈頓街33號The Loop 7樓
3586 3773 / 3586 3775


2009年7月17日 星期五

木糠布甸與木糠布甸蛋糕

2009年6月7日星期日


 



 


幾年前與同事去澳門食過沙利文果度嘅木糠布甸蛋糕, 覺得超好味, 咁啱大細妹話想食木糠布甸(軟身), 但係我淨係有木糠布甸蛋糕(硬身)食譜, 唔理得咁多, 照買料試做, 做咗先算啦!


材料:
瑪利餅 150克
淡忌廉 500毫升
煉奶 100克
雲呢拿條 1條 (取其籽)
糖 1湯匙


參考資料:http://www.leisure-cat.com/frm_1481.htm





嘩! 原來果條雲呢拿條咁鬼貴, 要成HK$24呀! 不過果陣雲呢拿味又好鬼香喎! 取咗籽後, 我都有留番個外殼嚟做咗樽雲呢拿糖, 留返下次用都好呀!


大功告成! 做咗兩底有木糠, 浩倫話唔想要木糠, 所以就做兩杯無木糠!



可能低層d木糠太多喇, 切出嚟就散開晒, 有點樣衰衰囉, 不過味道又唔錯喎! 質感都好有澳門FEEL!



屋企成員個個都話好好味, 除咗大細妹, 佢話都係鍾意食軟身果種喎, 無TASTE!



第二個禮拜日, 細細妹又叫我再做, 佢話佢老公無食過喎! 今次與芍曈一齊做, 個傻妹仲話做得好開心好好玩, 叫我下次做蛋糕記得預埋佢果份喎!奇實上次做心太軟佢都有份幫手啦!


CKY約睇戲 @ RUMMIKUB

2009年6月3日星期三


 



 


早幾日收到CKY來電, 竟然係搵我去睇戲喎! 大忙人都搵我去睇戲? 我同佢開玩笑, 如果有人請咪去睇囉! 佢又好爽快一口答應喎! 咁我就揀咗去九龍塘又一城AMC睇翻生侏羅館2喇!


 



翻生侏羅館2 (Night at the Museum 2)


導演: 桑勒菲


主演: 賓史迪拿,奧雲韋遜,愛美雅當絲,羅賓威廉斯


片長: 108分鐘


 


《翻生侏羅館 2》講述「美國自然歷史博物館」進行去舊迎新大裝修,換上新一批高科技展品,導致「實Q」拉利(賓史迪拿)的一班老古董好友──總統蠟像羅斯福、侏羅紀暴龍化石及羅馬大王屋大維等,統統被移送到位於華盛頓、全美國最大的資料庫「史密森尼學會」存倉。豈料未夠廿四小時,這班嘩鬼已經闖禍︰一單法老王石碑意外令歷史上最猛料的四大惡人翻生,包括天下無敵的法老王五世、美國最臭名遠播的黑幫大佬卡邦、暴虐無道的沙王伊凡四世,以及法國好戰將軍拿破崙大軍殺到,搞搞震冇幫襯!西部牛仔史密夫(奧雲韋遜)見勢色不對,即急call拉利到華盛頓幫拖。沿途歷險驚喜萬分,拉利更與美國首位越洋女飛機師(愛美雅當絲)展開一段魔法良緣……



 


約好在又一城等, CKY先送我一盒RUMMIKUB, 佢話呢個GAME可以預防老人痴呆喎, 佢機構D公公婆婆都爭住玩, 所以都送一盒比我同浩倫玩, 等我腦袋可以清醒D! 跟住我地先到FOOD FEST吉野家食晚餐, 食完仲未夠鐘入場睇戲, 我地就攞盒RUMMIKUB決戰吓先, 比賽結果3:1, 勝利果個緊係佢啦, 日日都同D公公婆婆對戰!




 


好多人話部戲無第一集咁好睇, 笑位唔夠多喎! 咁啱我同CKY都無過睇第一集, 所以覺得都好OK, 如果我地熟識歷史人物的話, 我諗會更好笑!


這盒RUMMKUB真的會令人著魔, 幾乎每晚都要同浩倫對戰過才可安瞓, 就連堅爺亦看不過眼加入戰團!



NONOpanda98
CKY, 今日有戲睇, 又有飯食, 又有禮物收, 好開心的一晚呀!