今天請了假和浩倫&芍曈到沙田新城市廣場行街+睇『趣味‧立體‧運動‧馬術館展覽』,其中一part係立體畫展。
因為浩倫上午9-10點要踢波&11-12點武術練習,所以要等他回家梳洗後才出發,順便約埋康荍媽咪食lunch。
康荍媽咪:「家姐你地同唔同我一齊食晏呀?」
家姐:「食呀,去名都德興茶餐廳好嗎?」
康荍媽咪:「好呀!先到先等位啦!我搞埋阿女d野就出發!」
話咁快就到了茶餐廳!果然係我地到先!等位其間
浩倫:「姑媽點解唔食車仔麵呀?我想食豬紅油麵呀!」
姑媽:「車仔麵成家去咗日本旅行,休息9日呀!」
姑媽:「好呀,咁阿妹你想食乜呀?」
芍曈:「我要食麥當勞薯條!」
家姐:「咪係,成個禮拜都唔好呀?」
浩倫:「我想要大富翁」
姑媽:「好呀,不過要有冇人陪你玩呀?」
浩倫:「依家放暑假,姑媽你可以陪我玩嘛!爸爸媽咪阿妹都可以陪我玩」
姑媽:「好呀,咁就要大富翁啦」(正當浩倫興高采烈攞住盒大富翁之際,眼尾見到新出的高達模型,即時把大富翁放下,拿起高達模型。)
浩倫:「姑媽我又想要高達呀!」
姑媽:「無所謂呀,只可揀一樣,你自己諗清楚先啦!」(不到10秒,把高達模型放下)
浩倫:「我都係要大富翁,可以一齊玩嘛,我都有好多高達模型啦!」
姑媽:「阿妹你揀到未呀?」
芍曈:「我想要果套餐車呀!」
姑媽:「咁大套,你攞唔攞到先?」
芍曈:「攞唔到呀!好重呀!」
姑媽:「不如揀過份細d啦?」
芍曈:「我想野食果d呀,我鐘意煮野食呀!」
姑媽:「呢套生果疏菜好唔好?又可以切切切,好好玩呀!」
芍曈:「好呀!」
姑媽:「等我揀埋份積木比柏晞先,好比錢喇,我地唔夠時間睇畫展喇!」
時間啱啱好,又到派飛時間,我地又排四十幾,剛剛好睇五點零五分果場,仲有三十分鐘先入場,我地又去麥記食杯雪糕先。等到夠鐘入場喇!
芍曈:「姑媽,我又要影呢張」